Sina G. at Gng. Amodia ay mga butihing magulang ni Reb. Pdre. Rhoteto Amodia. na kasalukuyang nakadestino sa Parokya ni San Jose, Napo Sta.Cruz.

Ang pinakatampok sa okasyong nabanggit ay ang paggawad ng “Corona at Sash” sa limang mga nanguna sa patimpalak na pinamunuan ng Lubhang Kgg. Reynaldo G. Evangelista D.D. Nagbigay din ang minamahal na Obispo ng isang pampasiglang pananalita. Ayon sa kanya “saludo” siya sa mga lolo at lola na lumahok sa patimpalak.

Binati rin niya si Rv. Fr. Edison Lotilla at mga taong nanguna sa pagkakaroon ng isang naiibang patimpalak na ito.

Ang pasinayang ito ay naglalayon di lamang upang makalikom ng pondo para sa pagpagawa ng bagong kumbento kundi upang lalo pang mabuo ang pagkakaisa ng mga barangay at bigyang pansin ang kakayahan at kahalagahan ng ating mga lolo at lola sa kabila ng kanilang katandaan.

G. Lolo at Gng. Lola ng Parokya

G. Lolo Raymond Amodio at Gng. Lola Ofelia Amodio

(Brgy. Balimbing)

1st Runner Up

G. Clodualdo Magcamit at Gng. Lona Anacorita Magcamit

(Brgy. Takwak)

2nd Runner Up

G. Lolo Ignacio Macayaon at Gng. Lola Trinidad Macarang

(Brgy. Pawa)

3rd Runner Up

G. Lolo Roselito dela Cruz at Gng. Lola Josefina Malapad

(Brgy. Boton)

4th Runner Up

G. Lolo Efren Buenaventura at Gng. Lola Regina Buenaventura

(Brgy. Mainit)

Isinagawa ang Banal na Misa sa ika-l 0 ng umaga sa Cebu Metropolitan Cathedral na pinamunuan na rin ng butihing Cardinal. Kaisa niya sa napakahalagang araw na iyon ang Papal Nuncio to the Philippines na si Archbishop Eduard Joseph Adams, ang Manila Archbishop Gaudencio Cardinal Rosales na siyang nagbigay ng homilia at mga Obispo at kaparian.

Matapos ang Banal na Misa, tumuloy ang mga panauhin sa Waterfront Hotel para sa pananghalian at launching ng aklat ng talambuhay ng butihing Cardinal.

Dalawampu’t limang taon na ang nakakaraan, noong Mayo 25, 1985 nang matanggap ni Cardinal Vidal ang tinatawag na “Red Hat of the Cardinalship” mula sa yumaong Papa Juan Pablo II. Siya ang ikaapat na naging Pilipinong Cardinal. Nauna sa kanya sina Rufino Cardinal Santos, Julio R. Cardinal Rosales at Jaime Cardinal Sin. Sinundan naman siya nina Jose Cardinal Sanches at Gaudencio Cardinal Rosales na kasalukuyang Arsobispo ng Maynila.

Natatanging si Cardinal Vidal na lamang ang nananatiling nasa aktibong ministeryong pastoral mula sa 28 Cardinal na kasabay niyang tumanggap tungkulin bilang Cardinal noong 1985.

Minabuti ng kasalukuyang Papa Benedicto XVI na ipagpatuloy ni Cardinal Vidal ang kanyang paglilingkod matapos na siya ay magdiwang ng ika-75 taong kaarawan noong 2006. Bago dumating ang nasabing pagdiriwang, dumalaw muli ang butihing Cardinal sa Diyosesis ng Boac upang pamunuan ang pagdiriwang ng kapistahan ng kanyang bayang sinilangan, ang Parokya ni San Isidro Labrador sa Mogpog noong Mayo 15. Nagkaroon din siya ng pagkakataong magdiwang ng Banal na Misa sa mga parokya sa Brgy. Balanacan at sa bayan ng Gasan noong Mayo 19.

Boac, Marinduque – Isinagawa ang Result-based Management Training para sa mga implementors ng Hapag-asa program noong Abril 19-21, 2010 sa Diyosesis ng Boac..

uploading news…..

uploading………….

Ang pagdiriwang ng Lingo ng Mabuting Pastol ay may magandang mensahe sa atin sa panahong ito ng halalan. Ilang araw na lang at muli na naman tayong pipili ng mga lider ng pamahalaan. Paikot-ikot ang mga kandidato at abalang-abala sa panliligaw sa taong bayan upang bigyan sila ng pagkakataong makapaglingkod muli bilang lider. Lumalapit nga sila sa atin ngayon sapagkat tayo ang may kapangyarihang magluklok sa kanila sa pwesto na kanilang hinahangad. Kung paanong pinili ni Jesus ang kanyang mga apostol sa pagtitiwalang magiging mabuting pastol ang mga ito sang-ayon sa kanyang natatanging timbangan, inaanyayahan din tayo na pumili ng nararapat at naaayon sa ating konsiyensya.

Masakit mang isipin,tuwing eleksyon, maraming tao ang hindi nakapamimili ng wasto at sang-ayon sa kanilang malayang pagpili at pagpapasya. Ito ay sa kadahilanang talamak ang pamimili ng boto sa ating probinsiya.

Kung ating pagninilayan ang gawaing ito, makikita natin na ang pamimili ng boto ay taliwas sa pagiging isang mabuting pastol at tapat na lider. Bakit nga ba kailangan pang bilhin ang boto ng kapwa kung ang nais niya ay totoong paglilingkod nang walang hinihintay na anumang kapalit?

Bakit nga ba kailangang bumaha ng pera sa gabi bago magkaroon ng halalan? Ibig sabihin, ang mga gawaing ito ay tumutukoy sa pagkahumaling sa kapangyarihan at karangalan, takot sa pagkatalo at tila ba nagiging palabigasan na lamang ang kanilang pwesto sa gobyerno.

Bato-bato sa langit, ang tamaan huwag magagalit. Ngunit kung susumahin natin kung gaano kalaki ang nagagastos ng isang namimili ng boto sa libo-libong botante, Aba! Milyon-milyon mandin kapatid kumpara sa sweldong tatanggapin nila kapag sila’y nahalal na! Hindi na natin kailangan ang magbolahan pa sa puntong ito ng halalan. Kung nais natin ng mabuting lider, pumili tayo ng tulad sa pagpili sa isang mabuting pasto!.

Pagpili sang-ayon sa sariling kalooban. Pagpili nang walang hinihintay na salapi o walang inaalaalang utang na loob kanino man kundi ang nararapat ang siyang ihahalal para sa mas mabuting kinabukasan.

Sa sistemang VOTE BUYING sino nga ba ang tunay na lugi? Ilang araw ba ang tagal sa bulsa ng perang ipinambili sa karapatan nating pumili? Ilang taon naman ang tagal ng taong namimili ng boto kung sila’y mahahalal? Paano niya babawiin ang milyon-milyong ipinambili sa bato natin? Paano pa nga ba maaayos ang ating naghihingalong KURYENTE, ang DE-PALITADA at lubak-lubak na KALSADA, ang mabagal na TRANSP0RTASYON, ang HOSPITAL, TUBIG at marami pang iba na nangangailanganng sapat na atensyonng ating mga lider!

Gawin natin ang tamang pagpili sa isang mabuting pastol na maghahatid sa atin sa isang mainam na pastulan at isang masaganang batis ng buhay. “Isang pastol na handang mag-alay ng kanyang sarili para sa kanyang mga tupa at di nakakalimot sa bayan!”

Sta.Cruz, Marinduque – Ika-2 ng Abril dakong alas 5:30 ng umaga nang masunog ang M/V Torrijos habang nakadaong sa pier ng Buyabod.

Ayon sa imbestigasyon na isinagawa ng mga awtoridad, dumating mula sa Talao-talao ang barko sa ganap na ika-3:45 ng madaling-araw, noong ika-2 ng Abril na may 71 pasahero. Matapos maibaba ang mga sakay nito, iniutos ng kapitan ng barko na si Capt. Jesus Cueto ang pagtatabi ng barko pahalang sa dulo ng pier at ang pagsisiyasat ng kanyang mga kasama sa barko.

Ayon naman kay Chief Engr. Jaime Miraflor, nang matiyak ang maayos na katatayuan ng barko kampante siyang bumaba upang maupo sa isang tabi ng pier at makapahinga ng konti. Nagulat na lamang siya nang makita ang maitim na usok mula sa ikalawang palapag ng barko. Iniutos niya sa mga tauhan ang pag-apula sa apoy subalit mabilis na kumalat ang sunog.

Agad namang rumesponde ang mga pulis at bumbero ng Sta. Cruz kasama ang ilang mga tumulong sa pagpigil sa sunog. Ika-6:30 ng umaga nang ideklarang patay na ang apoy sa pampasaherohang barko. Wala namang natalang nasaktan o nasugatan sa insidente. Patuloy pa rin ang imbestigasyon sa pangyayari sa pangunguna ni PO3 Ronaldo Ravanera.

Ang pangyayaring ito’y ikinalungkot naman ng mga biyahero na nagnanais na magkaroon ng komportable at maayos na biyahe sa Buyabod pier.

Dinala ang Panginoon kay Pilato at tinanong kung siya nga ang hari ng mga Hudio. Bilang mga Kristiyano, si Hesus ay kinikilala natin bilang nag-iisang hari at siyang sinusundan natin sa ating buhay. Tanungin natin ang ating sarili: Kung siya nga ang hari, tayo ba ay tumatalima sa mga nais niya at mga ipinag-uutos? Di yata’t inaabuso natin ang kabutihang loob ng Panginoon gayong hindi tayo niya pinarurusaan sa patuloy nating paglabag sa mga utos niya.

Sinasaad sa Mabuting Balita ang pagdating ng mga kapighatian at ng mga hindi inaasaang mga pangyayari bilang palatandaan ng pagdating ng Pangimoon sa kanyang kaluwalhatian. Sa mga pagkakataon na tayo ay dumaranas ng mga kalungkutan at mga sigalot sa buhay palatandaan din ito ng pagdating ng Panginoon sa buhay natin upang tayo ay sagipin at tulungan. Tanungin natin ang ating sarili: nararamdaman ba natin ang Diyos sa mga pagkakataong ito? o ito ang mga pagkakataon upang lumayo tayo sa kanya?

Huwag kang sasaksi nang di totoo sa iyong kapwa (Ex. 20:16).

“Narinig din ninyong iniutos ng Diyos sa inyong mga ninuo, ‘Huwag kang susumpa nang walang katotohanan, sa halip, tuparin mo ang iyong sinumpaang panata sa Panginoon.” (Mt. 5:33)

PAMUMUHAY SA KATOTOHANAN

Ang pamumuhay sa katotohanan ay isang napakahalagang panawagan sa isang kristiyano. Inihahayag ng Lumang Tipan: Ang Diyos ay bukal ng katotohanan. Ang kanyang Salita ay katotohanan (cf. Kaw. 8:7; 2 Sam. 7:28). Ang kanyang batas ay katotohanan (Slm 119; 142). “Sa lahat ng mga salinlahi ay nananatili ang iyong katapatan” (Slm. 119:90; Lk 1:50). Yayamang ang Diyos ay “totoo” (Rom. 3:4) ang mga kaanib ng kanyang bayan ay tinatawag na isabuhay ang katotohanan (cf. Slm. 119:30).

Ipinahayag ng Diyos ang katotohanan sa pamamagitan ni Hesus. Siya ay “Puspos ng biyaya at katotohanan” (Jn. 1:14). Siya ang “Liwanag ng daigdig” (Jn 18:12), ang katotohanan (cf Jn. 14:6). Ang sumasamplataya sa kanya ay hindi nananatili sa dilim (cf Jn. 12:46).

Ang pagiging alagad ni Hesus “ay pananatili sa kanyang salita upang makilala ang katotohanan na siyang magpapalaya sa kanya” (cf Jn. 8:31) at nagpapabanal (cf Jn, 17:17). Ang pagsunod kay Hesus ay pamumuhay sa “Espiritu ng katotohanan” (Jn. 14:17) na isinusugo ng Ama sa kanyang pangalan (cf Jn. 14:26) at umaakay sa “buong katotohanan” (Jn. 16:13). Itinuturo ni Hesus sa kanyang mga alagad ang pagmamahal ng walang pasubali sa katotohanan: “Ang maging sagot ninyo ay Oo kung Oo, hindi kung hindi.” (Mt. 5:37).

PAGIGING SAKSI SA KATOTOHANAN

Ipinahayag ni Kristo sa harap ni Pilato na siya’y “naparito sa daigdig upang magsalita tungkol sa katotohanan. Nakikinig sa aking tinig ang sinumang nasa katotohanan.” (Jn. 18:37). Hindi dapat ikahiya ng isang kristiyano ang pagsaksi sa katotohanan. Bahagi ng kanyang tungkulin bilang kristiyano ang kumilos bilang saksi ng ebanghelyo at ng mga tungkuling nagbubuhat dito. Ang pagpapatotoong ito ay pagsasalin ng pananampalataya sa wika at sa gawa. Ang pagpapatotoo ay isang gawain ng katarungan na nagtatakda o nagpapakilala ng katotohanan (Mt. 18:16)

Ang pagiging martir ang sukdulan ng pagbibigay saksi sa katotohanan ng pananampalataya. Ito ay pagpapatotoo sa mga aral ni Kristo at paninindigan sa mga pinaninindigan ni Kristo hanggang sa kamatayan.

MGA GAWAING LABAG SA IKAWALONG UTOS

Ang mga sumusunod ay mga gawaing labag sa ikawalong utos.

1. Ang pagsaksi ng di-totoo at panunumpa ng walang katotohanan na ang bigat ng paglabag ay nasusukat kung paano nasira ang katotohanan, ang mga kaganapan, ang hangarin ng nagsisinungaling at ang pasakit na dulot nito sa mga biktima.

1. Ang pagbibintang at ang pagsisinungaling laban sa puri ng iba ay sumisira sa mabuting pangalan at dangal ng kapwa. Ito ay sumusugat sa kristiyanong katangian ng katarungan at ng pag-ibig.

1. Ang panghihibo(pambobola) at labis na papuri na nagpapasigla at nagpapatibay sa iba sa kasamaan ng kanyang mga gawain at pakikitungo sa kapwa. Ang labis na papuri ay mabigat na kasalanan kung ito ay isa nang bisyo.

1. Ang paghahambog at pagmamayabang ay pagkukulang laban sa katotohanan; ang panunuya, na pinagtatawanan ang kilos o anyo ng iba ay pagwawalang bahala sa katarungan at pag-ibig.

1. Ang kasinungalingan ay pagsasabi ng di totoo upang linlangin ang kapwa. Ito ay tuwirang paglabag sa katotohanan. Ang kasinungalingan ay likas na masama sa kanyang sarili.

Ang mga gawaing nabanggit na labag sa katotohanan ay nangangailangan ng pagbabayad-puri lalo na kung ito’y nakapinsala sa iba.

(Next issue: PAGGALANG SA KATOTOHANAN)

May mga taong pumupuna sa mga taong ipinapanalangin ang mga patay.  Sinasabing wala na tayong magagawa sa mga patay.  Patay na ito.  Meron namang nananalangin sa mga patay.  Pagkamatay ng tao, sinisimulan na nilang magdasal sa panahon ng paglalamay, sa panahon ng siyaman, ika-apatnapung araw, sa babang luksa, sa buwan ng Nobiembre at sa Eukaristiya.

Ano ang kahalagahan ng panalangin sa mga patay?  Kinikilala ng Simbahang Romano Katoliko na natutulungan  ang mga patay na makapasok sa kaharian ng langit.  At ang mga panalangin ng mga patay na nasa kabilang buhay ay natutulungan ang mga taong naghihintay ng kanyang sariling kamatayan.  Sabi ni San Juan Maria Vianney tungkol sa panalangin sa mga patay:  “We must pray for them so that they will pray much for us.”

May mga psychotherapists na naniniwala na ang panalangin sa patay ay makakatulong sa mga tao at sa mga pamilya upang maituwid ng mga kamaliang nagawa ng mga ninuno na nakakaapekto sa kasalukuyang buhay ng kanilang minamahal sa buhay.  Ang mga maling nagawa ng mga ninuno ay madadama ng mga buhay sa apekto ng kalusugan, ugali, pananalita at kinabukasan.

Sa librong Intergenerational Healing ni Robert Degrandis at Linda Shubert sa pahina apatnapu’t lima, isinulat nila ang karanasan ng isang babaeng laging may brace ang leeg. Sa kanilang panalangin sa babaeng ito, nakita ng may karamdaman sa kanyang pangitain ang isang binata mula sa ika-limang henerasyon na inaresto at pinatay.  Hindi maliwanag ang pamamaraan ng kamatayan kung ibinitin o pinugutan ng ulo.  Ng ipinalangin ang kanilang ninuno, makalipas ang ilang linggo naalis na ang brace sa leeg at hindi na muling sumakit ang kayang leeg.

Sabi nila sa pahina anim sa aklat na ito:

“For our purposes in this book we are talking about healing the living through prayers for the dead.  We are talking about healing inherited psychological and physical and spiritual weaknesses which have been passed on genetically in the bloodline.  We are talking about healing certain intractable physical, mental, emotional and spiritual problems.  We are talking about “blessing all that is within us” [Psalm 103:1] through forgivenss, and thus hopefully changing the pattern of future generations.”

Ito naman ang sabi ni Matthew Linn at mga kasama sa pahina tatlumpu’t pito sa aklat na “Healing the Greatest Hurt”:

“He [Dr. Kenneth McAll] and Dr. William Wilson of Duke University find that prayer and especially the Eucharist for the deceased is particularly helpful for treating stubborn illness such as anorexia nervosa where the victim starves herself almost as if trying to join the deceased…. Others such as Presbyterian deacon and family therapist Dr. Douglas Schoeninger and his Baptist colleague Frances Bailey find that praying for the deceased is one of the best ways to resolved grief and inherited family conflicts.  Today as at Bethany, Jesus weeps for the deceased and then looks at us and says:  “Unbind him and let him go free” [Jn 11:44].

“Tiniis niya ang hirap na tayo ang dapat magbata, gayon din ang kirot na tayo sana ang lumasap; akala natin ang dinanas niya’y parusa sa kanya ng Diyos.  Dahil sa ating mga kasalanan kaya siya nasugatan; siya ay binugbog dahil sa ating kasamaan.  Tayo ay gumaling dahil sa pahirap na tinamo niya at sa mga hampas na kanyang tinanggap” [Isa. 53:4-5]